Evrópuvefurinn: Löggæslumenntastofnun Evrópusambandsins

Hlusta

Löggæslumenntastofnun Evrópusambandsins var komið á fót árið 2000 með ákvörðun ráðsins (nr. 2000/820/JHA) og hafði aðsetur tímabundið í Kaupmannahöfn í Danmörku. Þá kallaðist stofnunin Evrópski lögregluskólinn (fr. Collège européen de police, CEPOL). Þrátt fyrir nafnbreytinguna hefur stofnunin haldið skammstafaða heitinu CEPOL.

Hlutverk Löggæslumenntastofnunar Evrópusambandsins er að efla samstarf og virkni evrópskra lögregluliða, miðla upplýsingum um niðurstöður rannsókna og starfsvenjur og sjá um námskeið fyrir háttsetta lögreglumenn. Viðfangsefni stofnunarinnar tengjast meðal annars baráttunni gegn afbrotum, það er afbrotum yfir landamæri innan Evrópu, viðnámi gegn hryðjuverkum, ólöglegum innflytjendum, landamæravörslu, mansali og hvers konar alþjóðlegri glæpastarfsemi.

Aðilar að Löggæslumenntastofnun Evrópusambandsins eru lögregluskólar aðildarríkja ESB og EFTA-ríkjanna Íslands, Noregs og Sviss. Lögregluskólar samstarfsríkjanna eru virkir þátttakendur í starfi stofnunarinnar og fá aðgang að rafrænu netkerfi skólans ásamt námsneti evrópskra lögregluliða.

Ísland hefur tekið þátt í starfi Löggæslumenntastofnunar Evrópusambandsins frá árinu 2006 en þá undirrituðu fulltrúar Lögregluskóla ríkisins og Löggæslumenntastofnunar Evrópusambandsins aðildarsamkomulag Íslands að stofnuninni.

Löggæslumenntastofnun Evrópusambandsins

Höfundur

Útgáfudagur

Síðast uppfært

Spyrjandi

Efnisorð

Tilvísun

Tengd svör á Evrópuvefnum

Hverjar yrðu helstu breytingar fyrir Íslendinga, ef landið segði sig úr Schengen-samstarfinu?

Hvað felst í Schengen-samstarfinu og þarf ég vegabréf til að ferðast innan Schengen-svæðisins?

Hver er réttarstaða innflytjanda í ESB sem er giftur Íslendingi?

Hvað er undanskilið í EES-samningnum?

Hvað mundi tapast og hvað ávinnast með því að segja upp EES-samningnum?

Hver er munurinn á EFTA, EES og Schengen-samkomulaginu?

Hver er munurinn á EFTA og ESB?