Evrópuvefurinn: Doha-samningalotan

Hlusta

Doha-samningalotan (e. The Doha Development Round) svonefnda voru samningaviðræður sem aðildarríki Alþjóðaviðskiptastofnunarinnar hófu árið 2001. Markmið viðræðnanna var að minnka viðskiptahömlur milli ríkja í alþjóðaviðskiptum og þá einkum á þeim sviðum fríverslunar sem gæti gagnast fátækum ríkjum hvað mest, líkt og í landbúnaði. Viðræðurnar voru umfangsmiklar og spönnuðu umræðurnar tuttugu ólíka þætti fríverslunar.

Doha-viðræðurnar hófust í nóvember 2001 og stefnt var að því að þeim yrði lokið í árslok 2004. Ekki tókst að standa við þá tímaáætlun þar sem upp komu ýmis ágreiningsefni sem hægðu umtalsvert á framgangi samninga. Til að mynda deildu Evrópusambandið og Bandaríkin harkalega við Kína og Indland um aðgengi að mörkuðum þróunarríkjanna. Stjórnvöld í Kína, Indlandi og Indónesíu vildu vernda bændur sína og koma í veg fyrir að ódýrar landbúnaðarvörur flæddu inn á þeirra markaði.

Segja má að nokkurs konar pattstaða hafi myndast í viðræðunum á öðrum áratug 21. aldar. Pattstaðan varð til þess að aðildarríki Alþjóðaviðskiptastofnunarinnar leituð annarra leiða til þess að ná fram markmiðum sínum um aukið frjálsræði í viðskiptum og sterkara regluverk í alþjóðaviðskiptum.

Doha-samningalotan

Höfundur

Útgáfudagur

Síðast uppfært

Spyrjandi

Efnisorð

Tilvísun

Tengd svör á Evrópuvefnum

Snúast fríverslunarsamningar um algjörlega frjáls viðskipti án tolla og hafta? Er EES-samningurinn fríverslunarsamningur?

Hvaða fríverslunarsamninga hefur Ísland gert og eru þeir allir af sama tagi?

Hvað er Hoyvíkursamningurinn og á hvaða hátt er hann frábrugðinn öðrum fríverslunarsamningum Íslands?

Af hverju gerir Ísland ekki fríverslunarsamning við Bandaríkin?

Hvert er eðli EES-samningsins?

Stendur til að fleiri ríki fái aðild að EES-samningnum?