Evrópuvefurinn: Starfsmannadómstóll Evrópusambandsins

Hlusta

Starfsmannadómstóll Evrópusambandsins (e. Civil Service Tribunal) starfaði á árunum 2005-2016. Hlutverk hans var að leysa ágreining milli starfsmanna og stofnana eða deilda Evrópusambandsins.

Dómstólinn skipuðu sjö dómarar sem tilnefndir voru af ráðinu. Hver dómari gegndi embættinu í sex ár í senn, en gat verið endurskipaður. Við tilnefninguna var þess gætt að hafa hópinn sem fjölbreyttastan, bæði landfræðilega og hvað varðar réttarkerfi aðildarríkjanna. Dómararnir sáu um að velja forseta dómstólsins til þriggja ára í senn, en hann gat verið endurskipaður.

Oftast dæmdu þrír dómarar í hverju máli, en gátu þó verið frá einum og upp í fullskipaðan dómstól, það er sjö dómarar.

Málsmeðferð

Málsmeðferð hófst þegar kæra barst til dómstólsins. Hún gat verið á einu af opinberum tungumálum Evrópusambandsins sem þá varð tungumál dómsmálsins. Hægt er að lesa meira um tungumál ESB í svari Evrópuvefsins við spurningunni Hver eru opinber tungumál Evrópusambandsins?. Dómritari sendi kæruna á gagnaðila, sem hafði tvo mánuði til að skila inn greinargerð. Dómstóllinn gat ákveðið að þetta ferli skuli endurtekið þannig að önnur umferð málflutningsskjala fari milli málsaðila.

Hver, sem sýnt getur fram á hagsmuni að því er varðar niðurstöðu máls sem kært hefur verið til dómstólsins, gat gerst meðalgönguaðili við rekstur málsins.

Munnlegur málflutningur við dóminn var oftast opinber.

Starfsmannadómstóll Evrópusambandsins

Höfundur

Útgáfudagur

Síðast uppfært

Spyrjandi

Efnisorð

Tilvísun

Tengd svör á Evrópuvefnum

Hversu margir embættismenn vinna fyrir ESB og hve margir fyrir aðildarríkin sjálf?

Hverjar eru helstu stofnanir ESB

Hver eru laun æðstu embættismanna ESB?

Hvar eru höfuðstöðvar Evrópusambandsins?