Evrópuvefurinn: Feneyjanefndin

Hlusta

Nefnd Evrópuráðsins um lýðræði með lögum (e. The European Commission for Democracy through Law), sem í daglegu tali er kölluð Feneyjanefndin (e. Venice Commission), er ráðgjafarnefnd Evrópuráðsins um stjórnskipunarmál.

Nefndin var stofnuð í Feneyjum árið 1990 en í kjölfar falls Berlínarmúrsins var mikil þörf á aðstoð og ráðgjöf um stjórnskipun og við stjórnarskrárgerð í ríkjum Mið- og Austur-Evrópu, sem voru í þann mund að losna undan oki Sovétríkjanna. Á síðustu tuttugu árum hefur nefndin þróast frá því að sinna nokkurs konar neyðaraðstoð við gerð stjórnarskráa í alþjóðlega viðurkennda og sjálfstæða hugveitu um lagaleg málefni.

Nefndin var upphaflega stofnuð af 18 ríkjum en árið 2002 var stofnsamningur hennar víkkaður út þannig að ríkjum utan Evrópu var gert kleift að eiga fulla aðild að nefndinni. Núverandi aðildarríki eru 61 talsins. Hægt er að sjá lista með ríkjunum öllum hér.

Hvert aðildarríki skipar einn fulltrúa í nefndina, til fjögurra ára í senn. Fulltrúarnir eru sjálfstæðir í störfum sínum en þeir eru einkum sérfræðingar í stjórnskipunar- eða þjóðarétti, dómarar við hæstarétt eða stjórnlagadómstól eða þingmenn á þjóðþingum aðildarríkjanna.

Feneyjanefndin

Höfundur

Útgáfudagur

Síðast uppfært

Spyrjandi

Efnisorð

Tilvísun

Tengd svör á Evrópuvefnum

Hvert er hlutverk Feneyjanefndar Evrópuráðsins?

Hvert er hlutfall kvendómara við Mannréttindadómstól Evrópu?

Hvað tákna stjörnurnar í fána Evrópusambandsins?

Hvernig komust mannréttindi á dagskrá í ESB?

Gilda strangar reglur um aðbúnað í fangelsum í löndum Evrópusambandsins?

Sumir segja að Mannréttindasáttmáli Evrópu kunni að vera stjórnarskrárígildi, hvað er átt við með þessu?