Evrópuvefurinn: Menntaáætlun ESB

Hlusta

Menntaáætlun ESB (e. Life Long Learning Programme) er samstarfsverkefni aðildarríkja ESB á sviði menntamála. Markmið Menntaáætlunarinnar er einkum að hjálpa einstaklingum, grunn-, framhaldsskóla- og háskólanemum, iðnnemum, kennurum og fleirum, að kynnast öðrum ESB-ríkjum og stunda þar nám og störf. Áætlunin nær yfir fjórar undiráætlanir:

Comenius: Leik-, grunn-, og framhaldsskólamenntun.
Erasmus: Menntun á háskólastigi.
Grundtvig: Fullorðinsfræðsla og aðrar menntunarleiðir.
Leonardo: Starfsmenntun og þjálfun.

Úr hverri undiráætlun eru veittir styrkir til ólíkra tegunda verkefna svo sem skólaheimsókna, nemenda- og kennaraskipta, starfsnáms og samvinnu um gerð námsefnis og námskeiða.

Ísland tekur nú þegar þátt í samstarfsverkefnum ESB á sviði menntamála á grundvelli EES-samningsins. Þessu samstarfi hafa ekki fylgt neinar laga- eða kerfisbreytingar af Íslands hálfu. Þátttaka Íslendinga hefur verið mikil frá upphafi en þúsundir íslenskra nemenda, kennara, skólastjórnenda og annarra hafa tekið þátt í verkefnum styrktum af Menntaáætluninni. Ísland, ásamt hinum EFTA/EES-ríkjunum, greiðir umsamið árlegt gjald fyrir þátttöku í áætluninni en hingað til hafa styrkir ESB til íslenskra aðila verið hærri en kostnaður Íslands við þátttökuna.

Samstarfsverkefni áætlunarinnar fyrir tímabilið 2007-2013 eru aðgengileg umsækjendum sem búsettir eru í aðildarríkjum Evrópusambandsins, EFTA og EES, auk Tyrklands. Á heimasíðu landsskrifstofu Menntaáætlunar Evrópusambandsins er að finna allar frekari upplýsingar um Menntaáætlunina og undiráætlanir hennar.

Á Evrópuvefnum er einnig að finna ýmis svör sem tengjast Menntaáætlun ESB. Sem dæmi má nefna svörin við spurningunum:

Menntaáætlun ESB

Höfundur

Útgáfudagur

Spyrjandi

Efnisorð

Tilvísun

Tengd svör á Evrópuvefnum

Hvernig styrki geta námsmenn fengið til að læra erlendis?

Hvaða áhrif mundi innganga í Evrópusambandið hafa á menntamál?

Gilda sömu reglur um viðurkenningu á menntun í öllum aðildarríkjum ESB?

Hvernig breytist aðgangur að vinnumarkaði og skólum ef Ísland gengur í Evrópusambandið?

Stendur til að hætta með Erasmus-styrki?