Evrópuvefurinn: Hagstofa Evrópusambandsins

Hlusta

Hagstofa Evrópusambandsins (e. Eurostat) er staðsett í Lúxemborg og var stofnuð árið 1953 á tímum Kola- og stálbandalagsins. Stofnunin er samstarfsvettvangur Evrópuþjóða í hagskýrslumálum og heldur stofnunin utan um margþættar hagtölur aðildarríkja ESB, umsóknarríkja ESB og EFTA-ríkjanna á fjölmörgum sviðum efnahags-, félags og umhverfismála. Hagtölurnar liggja til grundvallar stefnumótun og ákvarðanatöku í stofnunum ESB en þær eru jafnframt aðgengilegar almenningi.

Meginmarkmið stofnunarinnar er að allar hagtölur, sem innlendar hagstofur samstarfsríkjanna safna saman og senda Eurostat, séu sambærilegar svo hægt sé að gera raunhæfan samanburð milli ríkja og ríkjahópa. Hagstofur samstarfsríkjanna starfa því samkvæmt sameiginlegum reglum ESB um flokkanir, aðferðir, skýringargreiningu og vinnubrögð við söfnun hagtalna.

Þeim hagtölum sem stofnunin safnar er gróflega hægt að skipta niður í eftirtalda flokka:

Stefnuviðmið ESB
Atvinnulíf og fjármál
Atvinnugreinar, viðskipti og þjónusta
Utanríkisviðskipti
Umhverfis- og orkumál
Hagtölur eftir landsvæðum
Mannfjölda og félagsmál
Landbúnaður og sjávarútvegur
Samgöngur, vísindi og tækni

Ísland tekur þátt í samstarfi á vettvangi evrópska hagskýrslusamstarfsins í samræmi við 6. gr. EES-samningsins og Hagstofa Íslands sinnir gagnaöflun frá innlendum stofnunum og annast afhendingu gagna til Eurostat í samræmi við löggjöf ESB. Þá starfrækir EFTA sérstaka skrifstofu sem stýrir samstarfi og hagsmunagæslu gagnvart Eurostat en EFTA-ríkin koma fram sem ein heild gagnvart stofnuninni.

Hagstofa Evrópusambandsins

Höfundur

Útgáfudagur

Spyrjandi

Efnisorð

Tilvísun

Tengd svör á Evrópuvefnum

Hverjir eru vextir innan ESB, hver er vaxtamunurinn innan þess og hver er sambærileg vaxtatala fyrir Ísland?

Munu laun almennings lækka í samræmi við laun í Evrópu ef evran verður tekin upp á Íslandi?

Mér skilst að orkuverð eigi að vera jafnt í öllum ríkjum ESB, hvað mun verð á rafmagni hækka mikið hér við aðild?

Hver eru sex fjölmennustu löndin í Evrópu og hver er íbúaþéttleiki þeirra?

Hvar eru höfuðstöðvar Evrópusambandsins?

Geta Íslendingar gert sér vonir um styrki frá ESB upp í ferðakostnað milli Íslands og Evrópu sökum fjarlægðar?