Evrópuvefurinn: Hvað vilja unglingar vita um ESB?

Hlusta

Síðastliðin þrjú misseri hefur Evrópuvefurinn staðið fyrir kynningum á vefnum í framhaldsskólum landsins. Markmið þessara heimsókna er fyrst og fremst að ræða við nemendur um mikilvægi hlutlægra upplýsinga í tengslum við Evrópusambandið og aðildarviðræðurnar og benda þeim á hvar þær er að finna. Í kjölfar kynninganna hefur Evrópuvefnum borist fjöldi spurninga frá nemendum um Evrópumál, sum þeirra mál sem ekki hafði verið fjallað um áður á vefnum.

Unga fólkið í dag virðist hafa áhuga á gjaldeyrismálum.

Þeir unglingar sem lagt hafa inn spurningu til vefsins virðast hafa mestan áhuga á hvaða áhrif möguleg aðild Íslands að Evrópusambandinu mundi hafa á gjaldeyrismál landsins. Nánar tiltekið hvort upptaka evru sé hagstæður kostur, hversu langan tíma það ferli tæki og hvort Ísland gæti haldið íslensku krónunni ef til aðildar kemur. Einnig hefur mikið verið spurt um áhrif ESB-aðildar á íslenskan sjávarútveg, möguleika íslenskra nemenda til að stunda nám erlendis sem og um póstverslun og verð á fatnaði hérlendis. Við bendum lesendum sérstaklega á svör vefsins við nokkrum af þessum spurningum:

Þetta er að sjálfsögðu ekki tæmandi listi yfir þær spurningar sem lagðar hafa verið inn til vefsins frá ungu fólki enda hafa Evrópuvefnum borist margbreytilegar og skemmtilegar spurningar. Þetta virðast þó vera þau málefni sem unga fólkið hefur oftast spurt um til þessa.

Mynd:

Menntaskólanemar - dv.is. (Sótt 17.05.2013).

Hvað vilja unglingar vita um ESB?

Höfundur

Útgáfudagur

Spyrjandi

Efnisorð

Tilvísun

Tengd svör á Evrópuvefnum

Mætti fólk yngra en 18 ára vinna ef við göngum í ESB?

Hvernig aflar maður sér fjár 12 ára?

Er það rétt að Evrópusambandið banni börnum að leika sér með segulstál, leikfangavaraliti, partýflautur og blöðrur?

Er rétt að vegna ESB-reglna megi ég aðeins fara með tvö börn á aldrinum 5 til 7 ára í sund?