Evrópuvefurinn: Efnahags- og félagsmálaráð SÞ

Hlusta

Efnahags- og félagsmálaráð Sameinuðu þjóðanna (e. United Nations Economic and Social Council, ECOSOC) er skipað fulltrúum 54 ríkja sem valdir eru á allsherjarþinginu eftir landsvæðum til þriggja ára í senn. Afríka hefur fjórtán fulltrúa, Asía ellefu, Austur-Evrópa sex, Suður-Ameríka og lönd í Karíbahafinu hafa tíu og Vestur-Evrópa og önnur lönd þrettán. Ákvarðanir ráðsins eru teknar með meirihluta greiddra atkvæða.

Efnahags- og félagsmálaráðið er aðalvettvangur málefna Sameinuðu þjóðanna er viðkoma efnahags-, félags- og umhverfismálum. Hlutverk þess er að efla lífsgæði, atvinnu og sjálfbæra þróun. Þá á ráðið að leysa alþjóðleg félagsleg, efnahags- og heilbrigðisvandamál og stuðla að virðingu fyrir mannréttindum og frelsi fólks.

Yfirgripsmikið starf efnahags- og félagsmálaráðsins skiptist í nokkrar nefndir eftir málefnum. Þær eru:

Mannréttindanefnd.
Fíkniefnanefnd.
Nefnd um félagslega þróun.
Nefnd um mannfjölda og þróun.
Nefnd um stöðu kvenna.
Nefnd um tölfræðileg málefni.
Nefnd um varnir gegn glæpum og réttláta meðferð sakamála.
Nefnd um sjálfbæra þróun.
Nefnd um vísinda- og tækniþróun.

Á vettvangi efnahags- og félagsmálaráðsins starfa auk þess nokkrar svæðisbundnar nefndir sem fást við mál tengd mismunandi landfræðilegum svæðum.

Heimildir:

ECOSOC at a Glance | Economic and Social Council. (Sótt 25.02.2026).

Efnahags- og félagsmálaráð SÞ

Höfundur

Útgáfudagur

Síðast uppfært

Spyrjandi

Efnisorð

Tilvísun

Tengd svör á Evrópuvefnum

Hvað er öryggisráð Sameinuðu þjóðanna og hver eru markmið þess?

Hversu sjálfstæð þjóð eru Íslendingar ef litið er til sjálfstæðisbaráttu, inngöngu í EES og hugsanlegrar inngöngu í ESB?

Hvað eru alþjóðalög og hver setur þau?

Getum við borið ESB saman við eitthvað annað kerfi í sögunni?

Hver er stefna ESB í umhverfismálum?

Getur Evrópusambandið gerst aðili að alþjóðlegum samningum?

Hvernig komust mannréttindi á dagskrá í ESB?