Evrópuvefurinn: Almenni dómstóllinn

Hlusta

Almenni dómstóllinn (e. General Court, EGC) tilheyrir Dómstól Evrópusambandsins og hefur aðsetur í Lúxemborg. Dómstólnum var komið á fót árið 1989 og hét hann þá fyrsta stigs dómstóllinn (e. Court of First Instance) en skipti um nafn við gildistöku Lissabon-sáttmálans árið 2009.

Sérhvert aðildarríki ESB skipar tvær dómarastöður við dómstólinn. Dómstóllinn dæmir einkum í málum er varða einstaklinga og lögaðila auk samkeppnismála.

Málsmeðferð

Í upphafi fær dómstóllinn kæru frá öðrum málsaðilanum. Helstu atriði hennar eru birt í Stjórnartíðindum Evrópusambandsins á öllum opinberum tungumálum. Lesa má meira um opinber tungumál ESB í svari Evrópuvefsins við spurningunni Hver eru opinber tungumál Evrópusambandsins? Þeim sem kæran beinist að er gefinn frestur til að skila greinargerð í málinu. Kærandi má svara greinargerðinni sem kærði getur skilað gagnsvari við.

Hver, sem sýnt getur fram á hagsmuni að því er varðar niðurstöðu máls sem kært hefur verið til dómstólsins, getur gerst meðalgönguaðili við rekstur málsins. Þetta geta verið einstaklingar, lögaðilar, stofnanir ESB eða aðildarríki sambandsins.

Að þessu loknu hefst munnleg málsmeðferð þar sem lögmenn málsaðila flytja málið og dómarinn eða dómararnir geta spurt spurninga. Dómsorðið er lesið upp á opinberum áheyrnarfundi.

Almenni dómstóllinn

Höfundur

Útgáfudagur

Síðast uppfært

Spyrjandi

Efnisorð

Tilvísun

Tengd svör á Evrópuvefnum

Af hverju var Evrópusambandið stofnað? – 2. Aðdragandinn - Myndband

Getur Evrópusambandið beitt sér gegn andlýðræðislegri þróun í aðildarríki eins og í Ungverjalandi nú?

Hvar eru höfuðstöðvar Evrópusambandsins?

Hverju breytir Lissabon-sáttmálinn í vægi aðildarríkja innan Evrópuþings og framkvæmdastjórnar?

Nákvæmlega hverju breytir Lissabon-sáttmálinn um áhrif smáríkja innan ráðs ESB á næstu árum?