Evrópuvefurinn: Bolognaferlið

Hlusta

Bolognaferlið (e. Bologna process) byggir á Bologna-yfirlýsingunni (e. Bologna Declaration) um samanburðarhæfni háskólamenntunar sem var undirrituð af fulltrúum 29 Evrópuríkja, þar á meðal Íslands, 19. júní 1999. Með yfirlýsingunni var miðað að því að skapa evrópskt menntasvæði á háskólastigi til að auðvelda nemendum, kennurum og fræðimönnum að flytja sig á milli Evrópulanda og nema og starfa utan heimalands síns.

Í gegnum Bolognaferlið er unnið að gagnkvæmri viðurkenningu menntunar á háskólastigi og hefur ferlið leitt til stöðlunar námskrafna og námsgráða á háskólastigi innan Evrópu. Staðlaðar námseiningar (e. European Credit Transfer System, ECTS) hafa til að mynda verið teknar í notkun sem veita Erasmus-nemendum tækifæri til að halda áfram að mennta sig í öðru samstarfsríki án hindrana.

Menntamálaráðherrar samstarfsríkjanna koma saman reglulega, yfirleitt á tveggja til þriggja ára fresti, á sérstökum ráðstefnum þar sem framgangur Bolognaferilsins er ræddur og næstu skref ákveðin.

Allir háskólar á Íslandi hafa markmið Bolognaferlisins að leiðarljósi.

Bolognaferlið

Höfundur

Útgáfudagur

Síðast uppfært

Spyrjandi

Efnisorð

Tilvísun

Tengd svör á Evrópuvefnum

Gilda sömu reglur um viðurkenningu á menntun í öllum aðildarríkjum ESB?

Hvernig breytist aðgangur að vinnumarkaði og skólum ef Ísland gengur í Evrópusambandið?

Stendur til að hætta með Erasmus-styrki?

Hvernig styrki geta námsmenn fengið til að læra erlendis?

Hvaða áhrif mundi innganga í Evrópusambandið hafa á menntamál?