Evrópuvefurinn: Evrópska nágrannastefnan

Hlusta

Evrópsku nágrannastefnunni (e. European Neighbourhood Policy) var komið á fót í kjölfar stækkunar Evrópusambandsins árið 2004. Hún á að varna því að bilið milli hins stækkaða sambands og nýju nágrannaríkjanna í austri og suðri breikki. Stefnunni er ætlað að styrkja tengslin milli Evrópusambandsins og 16 nánustu nágrannaríkja þess og er hún hluti af utanríkisstefnu sambandsins.

Ríkin sem taka þátt í evrópsku nágrannastefnunni eru:

Alsír	Líbanon
Armenía	Líbía
Aserbaídsjan	Moldavía
Egyptaland	Marokkó
Georgía	Hernumdu svæðin í Palestínu
Hvíta-Rússland	Sýrland
Ísrael	Túnis
Jórdanía	Úkraína

Nágrannastefnan grundvallast á sérsniðnum tvíhliða aðgerðaáætlunum milli Evrópusambandsins og einstakra nágrannaríkja. Tólf ríkjanna sem taka þátt í nágrannastefnunni hafa gert slíka aðgerðaráætlun til þessa en ekki hefur náðst samkomulag við Alsír, Hvíta-Rússland, Líbíu og Sýrland. Viðræður um aðgerðaáætlun ESB og Alsír eru þó hafnar. Áætlanirnar snúa að tilteknum umbótum í efnahags- og stjórnmálum viðkomandi ríkja, sem framkvæmdar eru með fjárhagslegum og tæknilegum stuðningi Evrópusambandsins, gegn loforði um greiðari aðgang ríkjanna að innri markaðnum, til að mynda með lækkun tolla á vörur frá viðkomandi löndum. Þannig á stefnan að stuðla að efnahagslegum stöðugleika og eflingu lýðræðis, mannréttinda og réttarríkisins í nágrannaríkjum sambandsins.

Evrópska nágrannastefnan

Höfundur

Útgáfudagur

Spyrjandi

Efnisorð

Tilvísun

Tengd svör á Evrópuvefnum

Njóta fátækustu ríki heims sérstakra tollfríðinda hjá Evrópusambandinu?

Hvaða Evrópulönd eru ekki í ESB og hvers vegna?

Hver er staða Evrópusambandsins á norðurslóðum?