Svar

OECD stendur fyrir Organisation for Economic Co-operation and Development eða Efnahags- og framfarastofnunin.

Upphaf stofnunarinnar má rekja allt aftur til 1948 en þá undir nafninu OEEC, Organisation for European Economic Co-operation, eða Efnahagsstofnun Evrópu. Upphaflegt markmið stofnunarinnar var að úthluta Marshall-aðstoð eftir seinni heimsstyrjöldina.

Árið 1961 var stofnuninni breytt í OECD og fékk þá heitið Efnahags- og framfarastofnunin og náði þá ekki lengur einungis til ríkja Evrópu. Stofnríki voru 20 talsins og þar af einungis 2 utan Evrópu, það er Bandaríkin og Kanada.

Hægt er að lesa meira um Efnahags- og framfarastofnunina í svari Ívars Daða Þorvaldssonar og Þorvarðs Kjerulfs Sigurjónssonar við spurningunni Hver eru OECD-ríkin og hvað merkir skammstöfunin?

Myndbandið er einnig aðgengilegt á YouTube-síðu Evrópuvefsins.