Evrópuvefurinn: Norður-Atlantshafsráðið

Hlusta

Norður-Atlantshafsráðið (e. North Atlantic Council, NAC) er helsti vettvangur ákvarðanatöku innan Norður-Atlantshafsbandalagsins (NATO). Ráðið mótar stefnu NATO, fylgist með rekstri verkefna á vegum bandalagsins, samþykkir fjárhagsáætlanir þess og tekur allar helstu ákvarðanir sem tryggja eðlilega starfsemi stofnunarinnar.

Ráðið fundar í ólíkum samsetningum, þannig funda fastafulltrúar aðildarríkjanna gagnvart NATO að minnsta kosti vikulega í ráðinu á meðan utanríkis- og varnarmálaráðherrar aðildarríkjanna hittast í ráðinu á ráðherrafundum NATO sem haldnir eru að jafnaði tvisvar sinnum á ári. Þegar leiðtogafundir NATO (e. NATO summits) eru haldnir, funda þjóðhöfðingjar og forystumenn ríkisstjórna aðildarríkjanna einnig í Norður-Atlantshafsráðinu.

Fundir Norður-Atlantshafsráðsins eru skipulagðir af fagnefndum NATO og framkvæmdastjóri bandalagsins stýrir fundunum. Allar ákvarðanir Norður-Atlantshafsráðsins eru teknar með einróma samþykki.

Norður-Atlantshafsráðið

Höfundur

Útgáfudagur

Spyrjandi

Efnisorð

Tilvísun

Tengd svör á Evrópuvefnum

Af hverju voru stofnríki Evrópusamstarfsins ekki fleiri en þessi sex?

Hvernig bregst ESB við ef ráðist er á eitt ríki í sambandinu, fara þá öll ríkin í stríð?

Er Evrópusambandið með einhvers konar Evrópuher og eru aðildarríkin skyldug til að taka þátt í honum?

Getum við borið ESB saman við eitthvað annað kerfi í sögunni?