Evrópuvefurinn: Hvert er atvinnuhlutfall heyrnarlausra innan ESB í samanburði við Ísland?

Hlusta

Evrópuvefurinn leitaði svara um atvinnuþátttöku heyrnarlausra á Íslandi hjá Félagi heyrnarlausra og fékk þær upplýsingar að það væri um 75-80% í dag.

Haldbærar upplýsingar um atvinnuhlutfall heyrnarlausra í Evrópusambandinu er hins vegar hvergi að finna. Ástæðan er sú að flest aðildarríki sambandsins blanda saman ólíkum hópum einstaklinga með einhvers konar fötlun í einn hóp við úrvinnslu tölfræðigagna. Því er einungis hægt að finna tölur um atvinnuhlutfall fatlaðra innan ESB.

Mörg aðildarríki ESB hafa þar að auki ekki uppfært upplýsingarnar um stöðu fatlaðra á vinnumarkaði eða hafa undir höndum óáreiðanlegar upplýsingar. Einu áreiðanlegu upplýsingarnar um atvinnuþátttöku fatlaðra í Evrópusambandinu eru frá árinu 2002. Þær voru birtar af Hagstofu Evrópusambandsins árið 2003. Skýrsla um stöðu fatlaðra á vinnumarkaði í ESB fyrir árið 2011 er enn í bígerð og hafa niðurstöðurnar því ekki verið kynntar þegar þetta er skrifað í desember 2013.

Heyrnarlaus eða heyrnarskertur einstaklingur að störfum þar sem hann á í samskiptum við einstakling með fulla heyrn í gegnum táknmálsþjónustu.

Atvinnuhlutfall fatlaðra á vinnumarkaði í Evrópusambandinu var 49,6% árið 2002. Hæst var atvinnuhlutfallið í Svíþjóð, eða 74,2%, en lægst í Ungverjalandi, eða 11,5%. Gera má ráð fyrir því að þessar tölur hafi breyst á síðastliðnum tíu árum og velta má vöngum yfir því hvort efnahagskreppan í Evrópusambandinu hafi haft neikvæð áhrif á þátttöku fatlaðra einstaklinga á almennum vinnumarkaði. Þó verður ekki ályktað um það hér vegna skorts á tölfræðigögnum frá aðildarríkjum sambandsins.

Heimildir og mynd:

EUD: Deaf and Employment in crisis. (Skoðað 10.12.2013).
EUD: European Platform Conference. (Skoðað 10.12.2013).
"The employment situation of people with a disability" | European Economic and Social Committee. (Skoðað 10.12.2013).
Employment of People with Disabilities | International Encyclopedia of Rehabilitation. (Skoðað 10.12.2013).
Labour market situation of persons with disabilities under Europe 2020. (Skoðað 11.12.2013).
EUROPA - PRESS RELEASES - Press release - European Disability Strategy 2010-2020 - frequently asked questions. (Skoðað 10.12.2013).
The Mobility and Integration of People with Disabilities into the Labour Market. (Skoðað 11.12.2013).
Thematic report on the implementation of EU Employment Strategy in European countries with reference to equality for disabled - ANED Task 6 final report - final version 17-04-09.pdf. (Skoðað 11.12.2013).
EU labour force survey - ad hoc modules - Statistics explained. (Skoðað 10.12.2013).
Disability in the United Kingdom 2012. (Skoðað 10.12.2013).
Deaf people and the labour market in Sweden. (Skoðað 11.12.2013).
Employment status for people with disabilities in Greece. (Skoðað 10.12.2013).
Microsoft Word - People with special needs and their employment situation in Austria.doc. (Skoðað 10.12.2013).
Les personnes handicapées face à l´emploi. (Skoðað 10.12.2013).
01 - Emploi et chômage des personnes handicapées. (Skoðað 10.12.2013).
Emploi-APEDAF.pdf. (Skoðað 10.12.2013).
People with Disability in Labour Market. (Skoðað 10.12.2013).
Video relay service - Wikipedia, the free encyclopedia. (Skoðað 11.12.2013).

Hvert er atvinnuhlutfall heyrnarlausra innan ESB í samanburði við Ísland?

Höfundur

Útgáfudagur

Spyrjandi

Efnisorð

Tilvísun

Tengd svör á Vísindavefnum

Hvað er táknmál? Er til alþjóðlegt mál fyrir heyrnarlausa?

Hvernig hefur táknmálsmenntun heyrnarlausra verið háttað?

Hvernig væri heimurinn ef allir væru heyrnarlausir?

Eru öll orð sem við notum venjulega í okkar máli til á táknmáli?

Er einhver munur á táknmáli og fingramáli?

Hver fann upp táknmálið?

Hvað getið þið sagt mér um Helen Keller og framlag hennar til mannréttindamála?

Tengd svör á Evrópuvefnum

Hvert er atvinnuleysið á Íslandi í samanburði við ESB-ríkin?

Breytist staða fatlaðra við inngöngu í ESB?

Hvernig er "Evrópusambandið" og "ESB" á íslensku táknmáli?

Hvernig eru "aðildarviðræður" og "Evrópuvefur" á íslensku táknmáli?