Hvað er bankaráð Seðlabanka Evrópu?

Hlusta

Bankaráðið (e. Governing Council) er skipað stjórnarmönnum í framkvæmdastjórn Seðlabanka Evrópu og seðlabankastjórum evruríkjanna. Í bankaráðinu eru teknar mikilvægustu ákvarðanirnar varðandi peningamálastefnu evrusvæðisins. Hún ákveður meðal annars stýrivexti hverju sinni, heimilar útgáfu og magn evruseðla og -myntar og gefur framkvæmdastjórn Seðlabanka Evrópu fyrirmæli um hvernig eigi að framfylgja ákvörðunum sem teknar eru á hennar vettvangi.

Ákvarðanir eru teknar með einföldum meirihluta og hefur hver aðili innan bankaráðsins eitt atkvæði. Ef meirihluti næst ekki, hefur forseti Seðlabanka Evrópu úrskurðarvald.

Bankaráðið kemur saman tvisvar í mánuði, fyrsta og þriðja fimmtudag hvers mánaðar.

Höfundur

Evrópuvefur

Útgáfudagur

9.3.2012

Spyrjandi

Evrópuvefur

Efnisorð

Tilvísun

Evrópuvefur. „Hvað er bankaráð Seðlabanka Evrópu?“ Evrópuvefurinn, 9. mars 2012, sótt 21. febrúar 2026, https://evropuvefur.is/svar.php?id=62142.

Evrópuvefur. (2012, 9. mars). Hvað er bankaráð Seðlabanka Evrópu? Evrópuvefurinn. https://evropuvefur.is/svar.php?id=62142

Evrópuvefur. „Hvað er bankaráð Seðlabanka Evrópu?“ Evrópuvefurinn. 9. mar. 2012. Vefsíða. 21. feb. 2026. <https://evropuvefur.is/svar.php?id=62142>.

Chicago | APA | MLA

Tengd svör

Almenn handbók