Svar

Schengen-samstarfið byggist á sáttmála sem tók gildi árið 1995 og er markmið þess tvíþætt. Annars vegar að tryggja frjálsa för einstaklinga um innri landamæri samstarfsríkjanna með afnámi vegabréfaskoðunar og hins vegar að styrkja baráttuna gegn alþjóðlegri afbrotastarfsemi með auknu eftirliti á ytri landamærum svæðisins.

Í Schengen-samstarfinu eru alls 29 ríki. Öll ríki ESB, að undanskildu Kýpur og Írlandi, og öll fjögur EFTA-ríkin: Ísland, Noregur, Liechtenstein og Sviss. Ísland hefur verið þátttakandi í samstarfinu frá árinu 2001.