Evrópuvefurinn: Hvað merkir orðið Evrópa?

Hlusta

Evrópa er grískt orð sem merkir breiða ásjónu eða andlit en hugtakið á rætur í grískri orðræðu á fornöld. Elsta dæmið um notkun þess sem sérnafns mun vera á læk sem var við véfréttina í Dodona í Epírus, en finna má örnefni skyld því víða á meginlandi Grikklands.^[1]

Evrópa er grískt orð sem merkir breiða ásjónu eða andlit.

Ætla má að upphaflega hafi Evrópa verið gyðja í trúarbrögðum Pelasga, það er þeirra sem byggðu Grikkland á undan Akkeum, og ýmsar vísbendingar eru til sem tengja þessa gyðju við helgidýrkun í Dodona. Þar var einnig til karlkyns goðið Euryope sem rann að lokum saman við Seif.^[2] Í elstu heimildum merkir hugtakið meginland Grikklands gagnstætt eyjunum á Eyjahafi.^[3]

Tilvísanir:

^ Hesiod, Theogony, útg. Martin L. West, Oxford: Clarendon Press, 1966, bls. 266-267. Sjá einnig Peter H. Gommers, Europe. What´s in a Name?, Leuven: Leuven University Press, 2001, bls. 52, sem bendir á að „Europa was a quite popular name in ancient Greece“.
^ Peter H. Gommers, Europe. What´s in a Name? , bls. 37-57. Dodona var helgistaður „hinna ágætu Pelasga“ sem svo eru nefndir í Ilíonskviðu (sjá Fyrsta og ønnur [-tuttugasta og fjórda] bók af Homeri Odyssea, þýð. Sveinbjörn Egilsson, Bessastaðir: Bessastaðaskóli, 1829, bls. 46), en deilt er um hvort þeir voru forverar Grikkja eða hvort þeir töluðu tungumál utan hinnar indó-evrópsku málafjölskyldu. Sjá meðal annars Gilbert Murray, The Rise of the Greek Epic, New York: Oxford University Press, 1960, bls. 43; Erich S. Gruen, Rethinking the Other in Antiquity, Princeton: Princeton University Press, 2010, bls. 236-242.
^ Sjá Denys Hay, Europe: The Emergence of an Idea, Edinborg: Edinburgh University Press, 1968 [1957], bls. 2.

Mynd:

Agamemnon (Person) - World History Encyclopedia. (Sótt 10.02.2026). Myndin er birt undir CC-leyfi.

Þetta svar er fengið úr greininni „Hugmyndin um Evrópu fyrir 1800“, Ritið 3/2011, bls. 9-23 og birt með góðfúslegu leyfi höfundar.

Hvað merkir orðið Evrópa?

Höfundur

Útgáfudagur

Spyrjandi

Efnisorð

Tilvísun

Tengd svör

Á hvaða árum gerast grísku goðsögurnar?

Er eitthvert sannleikskorn í grísku goðsögunum?

Hverjar voru dætur Seifs?

Hver voru systkini Seifs?

Af hverju tóku Grikkir upp á því að trúa á grísku guðina?

Um hvað fjalla Hómerskviður?

Getið þið sagt mér hvar landamæri Evrópu liggja?

Hvaða lönd teljast til Evrópu?

Hvað bjuggu margir í Evrópu árið 1000?