Evrópuvefurinn: Hversu langan tíma að meðaltali tóku aðildarviðræður ríkjanna í ESB?

Hlusta

Í eftirfarandi töflu eru teknar saman upplýsingar um aðildarviðræður allra þeirra ríkja sem hafa sótt um aðild að Evrópusambandinu og lokið viðræðum með undirritun aðildarsamnings. Á listanum er 21 aðildarríki Evrópusambandsins, það eru öll nema stofnríkin sex, auk Noregs, sem í tvígang hefur lokið aðildarviðræðum, og Króatíu sem lauk viðræðum við ESB í desember 2011 en mun ekki formlega ganga í sambandið fyrr en í júlí 2013. Vinsamlegast athugið að smella á töfluna til að stækka hana.

Yfirlit yfir upphaf, endi og lengd aðildarviðræðna í mánuðum.

Lengd viðræðna er gefin upp í mánuðum í síðasta dálki töflunnar. Að meðaltali vörðu þessar 24 aðildarviðræður í 40,3 mánuði eða í þrjú ár og þrjá til fjóra mánuði. Lengst vörðu aðildarviðræður Portúgals, Spánar og síðan Króatíu. Stystar voru hins vegar síðari viðræður Noregs og viðræður Austurríkis, Finnlands og Svíþjóðar. Hafa ber í huga að þessar þjóðir höfðu rétt lokið viðræðum um EES-samninginn þegar aðildarviðræðurnar við ESB hófust og því var margt þegar umsamið í upphafi viðræðnanna.

Aðildarviðræður Íslands við Evrópusambandið hófust 17. júní 2010 og hafa því bráðum staðið yfir í tvö ár þegar þetta er skrifað í byrjun júní 2012.

Heimildir:

Dinan, Desmond, 2010. Ever Closer Union: An Introduction to European Integration. 4. útgáfa. Houndmills, Basingstokes: Palgrave/Macmillan.
Wikipedia - Enlargement of the European Union

Upprunaleg spurning:

Hversu langan tíma að meðaltali tóku aðildarviðræður þjóðanna 27 sem nú eru í ESB? Ef þetta svar er ekki til, hversu langan tíma tóku viðræður hvers þjóðríkis fyrir sig?

Hversu langan tíma að meðaltali tóku aðildarviðræður ríkjanna í ESB?

Höfundur

Útgáfudagur

Spyrjandi

Efnisorð

Tilvísun

Tengd svör á Evrópuvefnum

Hverjir ákveða samningsmarkmið Íslands í aðildarviðræðum við Evrópusambandið?

Hvaða Evrópulönd eru ekki í ESB og hvers vegna?

Hvenær var Evrópusambandið stofnað og hvaða lönd eru í því núna?