Evrópuvefurinn: Hvað er fríverslunarsvæði?

Hlusta

Fríverslunarsvæði (e. free trade area) er fyrsta eða annað stig efnahagslegs samruna, eftir því hvernig talið er. Það vísar til þess þegar tvö eða fleiri ríki sammælast um að afnema tolla og kvóta á innfluttum vörum sín á milli. Sérhver aðili að samkomulagi um fríverslunarsvæði ákveður þó sjálfur hversu háa tolla hann leggur á innfluttar vörur frá löndum utan svæðisins.

Fyrsta stig samruna af þessu tagi er oft talið vera viðskiptasvæði með ívilnunum (preferential trading area, PTA) og einkennist af gagnkvæmum tollaívilnunum á takmörkuðum sviðum, án þess að tollar milli samstarfsríkjanna séu felldir alveg niður.

Fríverslunarsamtök Evrópu (European Free Trade Association, EFTA), sem Ísland á aðild að, eru dæmi um fríverslunarsvæði. Annað dæmi er Fríverslunarsamningur Norður-Ameríku (North American Free Trade Agreement, NAFTA).

Heimild m.a.: Wikipedia, flettiorð free trade area, economic integration, preferential trading area, EFTA, NAFTA.

Hvað er fríverslunarsvæði?

Höfundur

Útgáfudagur

Spyrjandi

Efnisorð

Tilvísun

Tengd svör

Hvað er NAFTA og hver er munurinn á uppbyggingu þess og ESB?