Evrópuvefurinn: Efnahagslegur samruni

Hlusta

Efnahagslegur samruni (e. economic integration) er ferli til vaxandi samstarfs milli þjóðríkja í viðskiptum og efnahagsmálum. Þetta ferli er misjafnlega langt á veg komið í hinum ýmsu samtökum, meðal annars eftir því hvað þjóðríkin sem taka þátt í samrunanum kjósa að bindast nánum böndum. Markmiðið með efnahagslegum samruna er ætíð að auka viðskipti milli viðkomandi ríkja með því að ryðja úr vegi hvers konar hindrunum sem verka í raun gegn frjálsum og óheftum viðskiptum, og auka þannig að lokum framleiðslu í aðildarríkjunum. Algengt er að greint sé á milli mismunandi stiga í efnahagslegum samruna, til dæmis sem hér segir:

viðskiptasvæði með ívilnunum,
fríverslunarsvæði,
tollabandalag,
sameiginlegur markaður,
efnahagsbandalag,
efnahags- og myntbandalag, stundum með samstarfi um ríkisfjármál,
fullkominn efnahagssamruni með verulegu pólitísku samstarfi.

Heimild m.a.: Wikipedia - Economic integration, þar sem eru meðal annars fróðleg kort um efnahagssamruna í heiminum.

Efnahagslegur samruni

Höfundur

Útgáfudagur

Spyrjandi

Efnisorð

Tilvísun