Evrópuvefurinn: Er hægt að nota allar evrur í öllum ríkjum Evrópusambandsins? Líka smápeningana?

Hlusta

Í þeim löndum sem tekið hafa upp evruna (€) eru allir evrupeningar gjaldgengir, bæði seðlar og mynt. Myntirnar eru mismunandi eftir því í hvaða landi þeim er dreift í upphafi, en þær gilda engu að síður í öllum evrulöndum.

***

Evruseðlarnir eru allir eins og eru til seðlar með verðgildi frá 5 evrum upp í 500 evrur. Austuríkismaðurinn Robert Kalina teiknaði þá alla.

Myntirnar eru hins vegar mismunandi, eftir því í hvaða landi þeim er dreift upprunalega. Önnur hliðin er þó eins á myntum sömu upphæðar í öllum löndunum en hin hliðin er breytileg og teiknuð af listamönnum í útgáfulandinu. Evrumyntir eru slegnar með verðgildi frá einu evrusenti (0,01 €) til tveggja evra.

Í þeim löndum sem tekið hafa upp evruna (€) eru allir evrupeningar gjaldgengir, bæði seðlar og mynt.

Af 27 ríkjum Evrópusambandsins hafa 21 tekið upp evrur en sex lönd hafa annan gjaldmiðil (miðað við febrúar 2026). Löndin sem gefa út evrur eru því Austurríki, Belgía, Búlgaría, Króatía, Kýpur, Eistland, Finnland, Frakkland, Þýskaland, Grikkland, Írland, Ítalía, Lettland, Litháen, Lúxemborg, Malta, Holland, Portúgal, Slóvakía, Slóvenía og Spánn. Auk þess nota ýmis smáríki evrur, svo sem San Marínó, Mónakó, Andorra og Vatíkanið.

Þau ríki Evrópusambandsins sem ekki hafa tekið upp evrur eru Danmörk, Pólland, Rúmenía, Svíþjóð, Tékkland og Ungverjaland. Þó getur verið hægt nota evrur í þessum löndum, í Danmörku og Svíþjóð er til dæmis hægt að greiða fyrir vöru og þjónustu í evrum ef söluaðili er því samþykkur. Danski seðlabankinn lætur einnig gengi dönsku krónunnar fylgja gengi evrunnar náið eftir. Mörg fyrirtæki í þessum löndum, sérstaklega tengd ferðaiðnaði, taka við evrum til að standa sig í samkeppninni um ferðamenn. Verðmerkingar bæði í heimagjaldmiðlum og evru auðvelda einnig verðútreikning fyrir ferðamenn frá evrusvæðinu.

Mynd:

Yfirlitsmynd: KOKUYO. (2023, 30. desember). Euro coins and banknotes (cropped2).jpg. Wikimedia Commons. Birt undir CC BY-SA 2.5 leyfi. https://commons.wikimedia.org/wiki/File:Euro_coins_and_banknotes_(cropped2).jpg
Lukasz Kobus. (2023, 21. nóvember). Euro coins (05).jpg. Wikimedia Commons. Birt undir CC BY 4.0. https://commons.wikimedia.org/wiki/File:Euro_coins_(05).jpg

Er hægt að nota allar evrur í öllum ríkjum Evrópusambandsins? Líka smápeningana?

Höfundur

Útgáfudagur

Síðast uppfært

Spyrjandi

Efnisorð

Tilvísun

Tengd svör á Evrópuvefnum

Er viturlegt að fjárfesta í evrum?

Er hægt að sjá gróflega hversu miklar fjárhæðir myndu sparast fyrir íslenskt hagkerfi með upptöku evru?

Hvað tekur okkur langan tíma að fá evru ef aðild að ESB væri samþykkt?

Hvernig fer danski seðlabankinn að því að láta dönsku krónuna fylgja gengi evrunnar?

Myndi innganga í ESB hafa í för með sér upptöku evru og breytingu á húsnæðislánum?