Evrópuvefurinn: Hvaða tungumál er mest talað í Evrópu?

Hlusta

Spurningunni er ekki auðsvarað. Ef aðeins er litið til þeirra landa sem aðild eiga að Evrópusambandinu tala flestir þýsku. Þýska er að sjálfsögðu opinbert mál í Þýskalandi þar sem rúmlega 82 milljónir manna búa. Þýska er einnig opinbert mál í Austurríki en svæðisbundið eru þar töluð málin króatíska, slóvenska og ungverska án þess að teljast opinber mál. Þýska er einnig opinbert mál í Sviss ásamt frönsku, ítölsku og retórómönsku. Flestir hafa þar þýsku að móðurmáli eða um 64%. Þá er þýska opinbert mál í Liechtenstein. Í Lúxemborg er hún opinbert mál ásamt lúxemborgsku og frönsku og í Belgíu er hún sömuleiðis opinbert mál ásamt hollensku og frönsku. Áætlað er að um 120 milljónir hafi þýsku að móðurmáli í umræddum löndum.

Ef aðeins er litið til þeirra landa sem aðild eiga að Evrópusambandinu tala flestir þýsku. Í Evrópuhluta Rússlands eru hins vegar líklega heldur fleiri sem hafa rússnesku að móðurmáli en þýsku.

Rússland er langstærsta land heims og nær yfir Austur-Evrópu og Norður-Asíu. Ef aðeins er litið á Evrópuhlutann austur til Úralfjalla eru líklega heldur fleiri sem hafa rússnesku að móðurmáli en þýsku. Rússneska er opinbert tungumál alls Rússlands og það hafa að móðurmáli um 145 milljónir manna.

Mynd:

The Week of European Languages - Embassy of the Czech Republic in Manila. (Sótt 29.01.2013).

Hvaða tungumál er mest talað í Evrópu?

Höfundur

Útgáfudagur

Spyrjandi

Efnisorð

Tilvísun

Tengd svör á Evrópuvefnum

Hver eru sex fjölmennustu löndin í Evrópu og hver er íbúaþéttleiki þeirra?

Hversu mörg ríki eru í fleiri en einni heimsálfu?

Hvaða lönd teljast til Evrópu?

Í hvaða heimsálfu er Rússland?