Svar

Sambandsríki (e. federation) er ríkjaheild sem hefur að geyma mörg minni ríki eða fylki sem hafa verulega sjálfstjórn í eigin málum samkvæmt sérstökum samningum eða stjórnlögum. Sem dæmi um þetta má nefna Bandaríki Norður-Ameríku, Þýskaland, Belgíu, Rússland, fyrrum Júgóslavíu og fyrrum Sovétríkin. − Hugmyndin um að gera ESB að sambandsríki hefur alla tíð verið afar umdeild innan sambandsins. Sumir sjá slíka þróun sem eðlilega útkomu úr sífellt nánara samstarfi, en aðrir sjá hana sem ógnun við fullveldi aðildarþjóðanna.