Evrópuvefurinn: Tollabandalag

Hlusta

Tollabandalag (e. customs union) er annað eða þriðja stig efnahagslegs samruna (e. economic integration). Það er bandalag sem tvö eða fleiri ríki gera með sér um að efla viðskipti sín á milli. Auk niðurfellingar viðskiptahindrana á borð við innflutningstolla felur tollabandalag í sér að komið er á sameiginlegum tollum gagnvart ríkjum utan bandalagsins.

Fyrsta stig samruna af þessu tagi nefnist viðskiptasvæði með ívilnunum (e. preferential trading area, PTA) og einkennist af gagnkvæmum tollaívilnunum á takmörkuðum sviðum, án þess að tollar milli samstarfsríkjanna séu felldir alveg niður. Annað stigið kallast fríverslunarsvæði (e. free trade area).

Evrópusambandið er tollabandalag en hefur þróaðist áfram til frekari efnahagslegs samruna. Sem dæmi um önnur tollabandalög má nefna tvíhliða samstarf ESB við Andorra, San Marínó og Tyrkland en einnig til dæmis Andes-bandalagið (e. Andean Community, CAN) í Suður-Ameríku og Suður-afríska tollabandalagið (e. Southern African Customs Union, SACU).

Tollabandalag

Höfundur

Útgáfudagur

Spyrjandi

Efnisorð

Tilvísun