Samkvæmt mati utanríkisráðuneytisins, frá maí 2026, er áætlaður kostnaður Íslands við aðildarviðræður talinn vera rétt tæpur 1,9 milljarður (1.895 milljónir). Þrír kostnaðarliðir eru tilgreindir í matinu. Stærsti liðurinn er kostnaður utanríkisráðuneytisins, alls 1.220 milljónir, kostnaður annarra ráðuneyti er áætlaður 175 milljónir og loks er þýðingarkostnaður áætlaður 600 milljónir.
Kostnaðarmatið byggist á því að viðræður taki tvö ár og að þær standi yfir á tímabilinu 1. september 2026 til ársloka 2028.
Í nefndaráliti um tillögu til þingsályktunar um þjóðaratkvæðagreiðslu um framhald viðræðna um aðild Íslands að Evrópusambandinu (18. maí 2026) er kostnaður utanríkisráðuneytisins skýrður svona út:
Kostnaður utanríkisráðuneytis, annar en þýðingarkostnaður, verður einkum launakostnaður vegna tímabundinnar styrkingar ráðuneytisins og sendiráðsins í Brussel, ferðakostnaður og annar kostnaður, svo sem aðkeypt þjónusta, aðstaða og stoðþjónusta, kostnaður við upplýsingamiðlun og utanumhald samningahópa og þóknun til þeirra sem koma að ferlinu samkvæmt úrskurði þóknunarnefndar.
Þýðingarkostnaðurinn fellur til vegna þess að þýða þarf allt regluverk ESB á íslensku. Þrátt fyrir að verulegur hluti löggjafar ESB hafi nú þegar verið þýddur, vegna ESS-samningsins, Schengen-samstarfins auk annars samstarfs við ESB, er áætlað að þýða þurfi 30-50 þúsund blaðsíður. Í viðræðum sem áttu sér stað 2009-2013 fékkst stuðningur frá ESB vegna þýðingarkostnaðar.
Heimildir og mynd:
Hjálpaðu okkur að greina gæði gervigreindarinnar með því að segja okkur hvort svarið var gott eða slæmt.
Takk fyrir þátttökuna!
MANNFJÖLDI
Um 450 MILLJÓNIR
AÐILDARRÍKI
27
ORKA
ENDURNÝJANLEG 25,2%
VERÐBÓLGA
3,3%
ATVINNULEYSI
6%
