Evrópuvefurinn: Hvað fáum við marga þingmenn á Evrópuþingið ef Ísland gengur í ESB?

Hlusta

Ákveði Íslendingar að ganga í Evrópusambandið má gera ráð fyrir því að Ísland fengi úthlutað sex þingsætum á Evrópuþinginu.

Ástæðan er fyrst og fremst sú að í sáttmálanum um Evrópusambandið er kveðið á um að aldrei skuli vera færri en sex þingmenn frá hverju aðildarríki á þinginu (2. mgr. 14. gr. sáttmálans um Evrópusambandið). Fulltrúar Íslands á Evrópuþinginu gætu því ekki orðið færri en sex.

Þá verður að teljast afar ólíklegt að Ísland fengi úthlutað fleiri en sex þingsætum, en þeim er skipt milli aðildarríkjanna í hlutfalli við íbúafjölda þeirra. Fjögur aðildarríki Evrópusambandsins eiga nú sex fulltrúa á Evrópuþinginu og eru þau öll fjölmennari en Ísland. Þau eru Eistland með 1,3 milljónir íbúa, Kýpur með 800 þúsund íbúa, Lúxemborg með 511 þúsund íbúa og Malta með 452 þúsund íbúa.

Heimildir og mynd:

Member state of the European Union - Wikipedia, the free encyclopedia. (Skoðað 22.03.2013).
File:European Parliament - Hemicycle.jpg - Wikimedia Commons. (Sótt 9.07.2026). Myndin er birt undir CC-leyfi.

Hvað fáum við marga þingmenn á Evrópuþingið ef Ísland gengur í ESB?

Höfundur

Útgáfudagur

Síðast uppfært

Spyrjandi

Efnisorð

Tilvísun

Tengd svör á Evrópuvefnum

Hverju breytir Lissabon-sáttmálinn í vægi aðildarríkja innan Evrópuþings og framkvæmdastjórnar?

Hversu margir þingmenn sitja á þingi Evrópusambandsins?

Hver hefur þróun kjörsóknar í kosningum til Evrópuþings verið frá upphafi?