Evrópuvefurinn: Fær Evrópuvefurinn framlög frá ríkinu eða einhverjum öðrum til þess að halda úti vefnum?

Hlusta

Fjármagn til reksturs Evrópuvefsins kom frá Alþingi frá 2011 til ársloka 2013. Á þeim tíma voru skrifaðar um 750 færslur um Evrópumál, aðallega svör við spurningum almennings. Í desember 2025 fékkst styrkur frá stjórnvöldum til að uppfæra vefinn og bæta við hann gervigreindarvirkni.

Stofnað var til Evrópuvefsins með þjónustusamningi milli Alþingis og Vísindavefsins. Evrópuvefurinn opnaði með formlegum hætti þann 23. júní 2011.

Tilgangur Evrópuvefsins er að veita hlutlægar, málefnalegar og trúverðugar upplýsingar, meðal annars um:

Aðdraganda og sögu Evrópusambandsins og undanfara þess.
Löggjöf og réttarframkvæmd í ESB.
Skipulag og stjórnsýslu ESB.
Stefnu og áætlanir ESB.
Aðildarríki ESB og afstöðu þeirra til einstakra málaflokka.
Aðildarumsókn Íslands, sbr. þingsályktun Alþingis frá 16. júlí 2009, og hugsanleg áhrif aðildar ef Ísland gengur í Evrópusambandið.

Í áliti meirihluta utanríkismálanefndar Alþingis um tillögu til þingsályktunar um aðildarumsókn að Evrópusambandinu er fjallað í sérstökum kafla um upplýsingagjöf. Þar er tekið fram að áhersla skuli vera lögð á upplýsingamiðlun til almennings, félagasamtaka og fjölmiðla og að sérstökum hópi verði komið á fót sem annist það hlutverk að miðla upplýsingum um Evrópusambandið almennt, áhrif aðildar að sambandinu og um stöðu aðildarviðræðna. Evrópuvefnum var falið það hlutverk.

Af þessu leiðir að Evrópuvefurinn er frjáls og óháð upplýsingaveita. Hann hefur ekki þegið neina fjárhagslega eða fémæta aðstoð frá Evrópusambandinu sjálfu né samtökum sem eru með eða móti aðild að sambandinu.

Fær Evrópuvefurinn framlög frá ríkinu eða einhverjum öðrum til þess að halda úti vefnum?

Höfundur

Útgáfudagur

Síðast uppfært

Spyrjandi

Efnisorð

Tilvísun

Tengd svör á Evrópuvefnum

Er ekki sanngjarnt að helmingur styrks frá ESB til að kynna sig á Íslandi renni til andstæðinga ESB-aðildar, eða að íslenska ríkið veiti þeim jafnháa fjárhæð, 5,0 milljarða króna á ári?