Svar

Föstudaginn 19. apríl býður EDDA – öndvegissetur, í samvinnu við Alþjóðamálastofnun Háskóla Íslands, til opins fyrirlesturs sem ber heitið Evrópskar sjálfsmyndir frá sjónarhóli síðnýlendustefnu.

Fyrirlesari er Luisa Passerini, prófessor emeritus í sagnfræði við Turin-háskóla. Um efni fyrirlestursins segir í tilkynningu:

Að vera evrópsk/ur í dag merkir að staðsetja sig innan sögulegra mótsagna evrópskra sjálfsmynda. Það þýðir að upplifa þá pólitísku þörf að skapa rými fyrir gagnrýni á hefðbundnar sjálfsmyndir sem byggja á útilokun og stigveldi. Þessa áskorun þarf að laga að núverandi ástandi Evrópu frá sjónarhóli alþjóðahyggju og síðnýlendustefnu og gera ráð fyrir nýjum formum framtíðarsjálfsmynda sem eiga vi ð þá sem ekki eru „innfæddir“ Evrópubúar.

Fyrirlesturinn fer fram á ensku í fyrirlestrasal Þjóðminjasafns Íslands kl. 14:00-15:00.