Fyrirlestur: Recent Case Law of the EFTA Court. The Icesave saga

Undanfarin misseri hefur EFTA-dómstóllinn fjallað um nokkur mál sem varða lagalegar afleiðingar falls íslensku bankanna. Dómstóllinn hefur einnig kveðið upp tvo fordæmisgefandi dóma í samkeppnisrétti. Síðast en ekki síst hefur EFTA-dómstóllinn skýrt nokkur mikilvæg réttarfarsleg atriði sem lúta að hlutverki æðstu dómstóla aðildarríkjanna og heimilda Eftirlitsstofnunar EFTA til að höfða mál vegna ætlaðra brota á EES-samningnum. Í erindi sínu mun Carl Baudenbacher forseti EFTA-dómstólsins fara yfir og ræða fyrirliggjandi dómafordæmi og þá þróun sem orðið hefur.