Svar

Miðvikudaginn 27. febrúar fer fram síðasti fundurinn í fundaröð um fyrirhugaðar breytingar á stjórnarskrá Íslands. Yfirskrift fundarins er Ísland, fullveldið og alþjóðasamfélagið:

• Fullveldið og utanríkismál í stjórnarskránni.
• Að hvaða marki leyfir stjórnarskráin framsal ríkisvalds?
• Ákvörðun um aðild að ESB og áhrif á íslenska stjórnskipun.

Framsögumenn og þátttakendur í pallborði eru Björg Thorarensen, prófessor við Lagadeild Háskóla Íslands, Kristrún Heimisdóttir, lektor við Háskólann á Akureyri, og Bjarni Már Magnússon, sérfræðingur við Lagadeild Háskólans í Reykjavík. Fundarstjóri er Róbert R. Spanó, prófessor og forseti Lagadeildar Háskóla Íslands.

Að fundaröðinni standa Lagadeild, Stjórnmálafræðideild og Stofnun stjórnsýslufræða og stjórnmála við Háskóla Íslands í samvinnu við Háskólann í Reykjavík, Háskólann á Bifröst og Háskólann á Akureyri.

Fundurinn fer fram í Hátíðarsal Háskóla Íslands milli klukkan 12 og 14.