Svar

Föstudaginn 16. nóvember klukkan 12 býður Alþjóðamálastofnun Háskóla Íslands til málstofu um byggðastefnu ESB og Ísland. Málstofan er hluti af fundaröðinni Evrópusamræður sem er styrkt af Evrópustofu, upplýsingaskrifstofu ESB á Íslandi, og Jean Monnet sjóði Evrópusambandsins. Fundurinn fer fram í stofu 201 í Odda.

Á fundinum flytur John Bachtler, prófessor í Evrópufræðum og forstöðumaður European Policies Research Centre við Strathclyde háskóla í Bretlandi, erindi um byggðastefnuna og reynslu Skota og Kari Aalto, forstöðumaður Evrópuskrifstofunnar í Norður-Finnlandi, segir frá reynslu Finna. Anna Margrét Guðjónsdóttir, ráðgjafi í Evrópumálum, ræðir byggðamál frá íslensku sjónarhorni og leiðir pallborðsumræður í lokin.