Evrópuvefurinn: Hvaða ríki voru í Varsjárbandalaginu?

Hlusta

Varsjárbandalagið (e. Warsaw Pact) var stofnað af átta löndum í Austur-Evrópu 14. maí árið 1955. Stofnaðilar voru Búlgaría, Ungverjaland, Austur-Þýskaland, Pólland, Albanía, Tékkóslóvakía, Rúmenía og Sovétríkin. Tilgangurinn með stofnuninni var að mynda hernaðarbandalag ríkja í Austur-Evrópu til móts við Atlantshafsbandalagið (NATO) eftir að Vestur-Þýskaland gekk til liðs við það árið 1955.

Aðalstöðvar bandalagsins voru í Moskvu og voru Sovétríkin valdamesta ríkið í bandalaginu með herstöðvar í öllum aðildarríkjunum. Þó svo að hugsunin væri að stofna varnarbandalag tóku aðildarlöndin þátt í árásum gegn eigin bandalagsríkjum eins og til dæmis í Tékkóslóvakíu árið 1968. Eftir að Sovétríkin féllu var lítill grunnur eftir af bandalaginu og það leystist upp árið 1991. Nokkur ríkjanna gengu þá til liðs við Atlantshafsbandalagið.

Frekara lesefni á Vísindavefnum:

Af hverju gerir NATO ekkert stórtækt varðandi stríðið milli Ísraels og Palestínu? eftir Stefaníu Óskarsdóttur

Hvaða ríki voru í Varsjárbandalaginu?

Höfundur

Útgáfudagur

Spyrjandi

Efnisorð

Tilvísun