Svar

Schengen-samstarfið hófst árið 1995. Markmið samstarfsins er tvíþætt: Annars vegar að tryggja frjálsa för einstaklinga um innri landamæri samstarfsríkjanna með afnámi vegabréfaskoðana. Hins vegar að styrkja baráttuna gegn alþjóðlegri afbrotastarfsemi með auknu eftirliti á ytri landamærum þátttökuríkjanna.

Í dag eru tuttugu og sex ríki fullir þátttakendur í Schengen–samstarfinu en þau eru öll EFTA-ríkin og aðildarríki ESB að undanskildu Bretlandi, Búlgaríu, Írlandi, Króatíu, Kýpur og Rúmeníu (sjá töflu). Fimm síðastnefndu ríkin stefna þó að fullri aðild.

	Schengen-ríkin
ESB-ríkin	Austurríki	Lúxemborg
	Belgía	Malta
	Danmörk	Pólland
	Eistland	Portúgal
	Finnland	Slóvakía
	Frakkland (og Mónakó)	Slóvenía
	Grikkland	Spánn
	Holland	Svíþjóð
	Ítalía	Tékkland
	Lettland	Ungverjaland
	Litháen	Þýskaland
EFTA-ríkin	Ísland	Noregur
	Liectenstein	Sviss

Búlgaría og Rúmenía sóttu um aðild að Schengen-samstarfinu árinu 2010 en var hafnað. Fulltrúar Finnlands og Hollands beittu neitunarvaldi gegn aðild ríkjanna tveggja en þeir töldu landamæraeftirliti ríkjanna vera of ábótavant til að þau gætu orðið hluti af Schengen-svæðinu. Ísland hefur verið þátttakandi í Schengen-samstarfinu frá 25. mars 2001.